ქართული რესტორანი
კეთილი იყოს თქვენი მობრძანება “ივერია”-ში
მოხარული ვართ წარმოგიდგინოთ ქართული, უნიკალური სამზარეულო. ჩვენი მენიუ აერთიანებს ტრადიციულ ოჯახურ რეცეპტებს, რაც ხელს უწყობს გემოვნური თვისებებით მდიდარი კერძების შექმნას. თითოეული კერძი ასახავს შთამაგონებელ, მრავალფეროვან ქართულ ოჯახურ ტრადიციას.
სამზარეულო გულითა და სულით
ივერიის მფლობელი პირადად ამზადებს თქვენთვის გემრიელ კერძებს. ირმა ბურდულს ქართული გემოები სამზარეულოდან პირდაპირ თქვენს თეფშზე გადმოაქვს. ჩვენი გუნდი სიყვარულით ამზადებს ყველა კერძს-მრავალფეროვანი გემოებით გაჯერებულ ხინკალსა თუ ქართული სუფრის მშვენება-ხაჭაპურს. ჩვენი შემოქმედებითობა ყოველ კერძს დაუვიწყარ გამოცდილებად აქცევს თქვენთვის.
რატომ ივერია?
ჩვენი რესტორნის სახელწოდება “ივერია” ღრმად არის ფესვგადგმული საქართველოს ისტორიასა და კულტურაში. ივერია იგივე იბერია (ან ივერ/ჰბერი/იბერი) იყო უძველესი სამეფო კავკასიაში. მრავალი ისტორიული წყარო, განსაკუთრებით ქართული, ამ მხარის მცხოვრებლებს იბერიელებად მოიხსენიებდა. ეს ტერმინი შემდგომში ფართოდ გამოიყენეს XIX-XX საუკუნეების ცნობილმა ქართველმა მწერლებმა, რომელთა შემოქმედებაში „ივერია“ – საქართველოს აღნიშნავს, ხოლო „ივერი“ – ქართველებს.
ამგვარად, სახელწოდება „ივერია“ არა მხოლოდ გეოგრაფიულ არეალს, არამედ ღრმა ისტორიულ და კულტურულ მნიშვნელობას განასახიერებს. ჩვენს რესტორანში კი გადმოვცემთ ამ განსაკუთრებული ადგილის მრავალფეროვან გემოსა და კულტურულ სიღრმეს.
კეთილი იყოს თქვენი მობრძანება “ივერიაში” – ადგილი, სადაც ისტორია, კულტურა და კულინარიული ხელოვნება ერთმანეთს ერწყმის.
ხინკალი
ხინკალი ქართული სამზარეულოს სიმბოლოა. მისი წარმოშობა უკავშირდება საქართველოს მაღალმთიან რეგიონს. ხინკალი ტრადიციულად მზადდება სხვადასხვა შიგთავსით, თუმცა ყველაზე პოპულარული ვერსია დაკეპილი ხორცის შიგთავსის, ხახვისა და სანელებლების ნაზავია. მოხარშულ ხინკალს ცხლად მიირთმევენ. ეს არის კერძი, რომელიც იპყრობს გურმანების გულს.
ხაჭაპური
ხაჭაპური ქართული სამზარეულოს ერთ-ერთი ყველაზე ცნობილი კერძია. ქართველებში ის დიდი პოპულარობით სარგებლობს. მას საქართველოში ხშირად მიირთმევენ როგორც ხემსად, ასევე ძირითად კერძად. საქართველოს თითოეულ რეგიონს ხაჭაპურის საკუთარი ვერსია აქვს, რაც ამ კერძს წარმოუდგენლად მრავალფეროვანს ხდის. ყველაზე ცნობილ ვარიანტებს შორისაა ნავის ფორმის აჭარული ხაჭაპური აჭარიდან, რომელიც იქმნება ყველითა და კვერცხით. პოპულარობით სარგებლობს ასევე მეგრული ხაჭაპური, რომელიც როგორც შიგნიდან, ასევე გარედან ყველით არის დაფარული. ყველა კუთხის ხაჭაპურს აერთიანებს ხრაშუნა ცომისა და მდნარი ყველის შეუდარებელი კომბინაცია.
ქართული ღვინო
მეღვინეობას საქართველოში შთამბეჭდავი ტრადიცია აქვს, რომელიც 8000 წელზე მეტს ითვლის და მიიჩნევა მსოფლიოში ერთ-ერთ უძველეს ღვინის კულტურად. უახლესი არქეოლოგიური აღმოჩენები ადასტურებს, რომ ამ რეგიონში ღვინო მზადდებოდა ჯერ კიდევ ადრეულ პერიოდში.
ქართული მევენახეობა ხასიათდება უნიკალური, ადგილობრივი ვაზის ჯიშებითა და წარმოების ტრადიციული მეთოდებით, რაც ღვინოს ქართული იდენტობის გამორჩეულ ნაწილად ჰქმნის.
განსაკუთრებით ცნობილია ღვინის დაყენების მეთოდი თიხის ამფორებში, ეგრეთ წოდებულ „ქვევრებში“, რომლებიც მიწაში ღრმად არის ჩაფლული და ღვინოს განსაკუთრებულ, დამახასიათებელ გემოს ანიჭებს.
